Իսրայէլ համագործակցած է իսլամ երկիրներու հետ, որոնց շարքին նաեւ Ատրպէյճանի
Բրիտանական The Middle East Monitor կայքէջին համաձայն, Իսրայէլի բանակի պաշտօնական կայքէջը հրապարակած է տեղեկագիր մը, ուր նշուած են շարք մը իսլամ եւ արաբական երկիրներու անունները, որոնց հետ համագործակցած է Իսրայէլի գաղտնի հետախուզութիւնը՝ Մոսատը։
Ցանկին վրայ յայտնուած են Սէուտական Արաբիան, Միացեալ Արաբական Էմիրութիւնները, Աֆղանիստանը և Ատրպէյճանը: Ըստ նոյն զեկոյցին, համագործակցութեան ծիրէն ներս Իսրայէլի տեղեկութիւններ տրամադրուած են Պահրէյնի, Իրանի և Պաղեստինի վերաբերեալ: Հոն կը նշուի նաեւ, որ Իրանի միջուկային եւ հիւլէական ծրագրի գծով Սէուտկան Արաբիիոյ հետ ուղղակի համագործակցութիւն ծաւալած է։
Տեղեկագիրը կը հաստատէ նաեւ, որ Իսրայէլը Ատրպէյճանին ու Աֆղանիստանին վաճառած զինամթերքը մատակարարած է Փաքիստանի տարածքով: Կը նշուի նաեւ, որ Իսրայէլ Ատրպէյճանէն գաղտնի տեղեկութիւններ ստացած է Իրանի մասին։