Կռփամարտ. Աբրահամի Կատարելիք Յաջորդ Մենամարտին Վայրը Եւ Թուականը Յստակացաւ

Իր լուրը քաղելով կռփամարտի Boxingscene.com հանրածանօթ կայքէն, ArmSport.am կը յայտնէ, որ WBO-ի վարկածով 2-րդ միջին կարգի աշխարհի ախոյեան Արթուր Աբրահամ իր յաջորդ մենամարտը պիտի կատարէ 21 նոյեմբերին` Հանովըրի մէջ (Գերմանիա):

Անոր մրցակիցին անունը ցարդ յստակ չէ:

Նշենք, որ նախապէս Աբրահամին մարտահրաւէր ուղարկած էր 50 տարեկան Պեռնարտ Հոփքինզ, մինչ հայ կռփամարտիկը ձեռնոց նետած էր Ֆելիքս Շթուրմի:

Նախորդ 19 յուլիսին Արթուր Աբրահամ, որ ճակատած էր Ռոպերթ Շթիքլիցի դէմ իր յաղթանակը արձանագրած էր նաք-աութով: