Փինկ Փոնկ. Լիբանանի Տարիքային Ախոյեանութիւն. Պերճ Կէօքէօզեան Հանդիսացաւ Երկրորդ` 18 Տարեկանէն Վար Դասակարգին Մէջ

September 03, 2015 932 0


Մոն լա Սալի մէջ (Այն Սաատէ) շարունակուեցան Լիբանանի փինկ փոնկի տարիքային ախոյեանութեան մրցումները, երբ այս անգամ տեղի ունեցան տղոց եւ աղջկանց 18 տարեկանէն վար դասակարգի մրցումները:

ՀՄԸՄ Պուրճ Համուտի մաս կազմող Պերճ Կէօքէօզեան յաղթելէ ետք Պիլալ Հարաքէի (Նատուա Քամաթիէ)` 3-2 արդիւնքով (11-3, 14-12, 11-4, 11-5 եւ 13-11), ապահովեց աւարտականի իր տոմսը, ուր սակայն պարտուեցաւ Մոհամետ Համիէէն (Նատուա Քամաթիէ)` 3-0 արդիւնքով (11-5, 11-6 եւ 11-9):

Նշենք, որ կիսաւարտականին, Համիէ 3-0 արդիւնքով յաղթեց Յակոբ Ոսկերիչեանին (Անդրանիկ Պէյրութ):

Ինչ կը վերաբերի աղջկանց մրցաշարքին, ախոյեան հանդիսացաւ Մալեք Խուրի (Նատուա Քամաթիէ), որ աւարտականին 3-0 արդիւնքով յաղթեց Միներվա Ապպուտի (Շարթիէ Տար Նուր):

Աւարտին տեղի ունեցաւ մրցանակաբաշխութիւնը` ներկայութեամբ Լիբանանի փինկ փոնկի ֆետերասիոնի նախագահ Սելիմ Հաժ Նիքոլայի:

 


Leave a Comment

You must be logged in to post a comment.