Հայաստանի Ֆութպոլի Երիտասարդական Հաւաքականը Սկսաւ Նախապատրաստուիլ
8 սեպտեմբերին, Երեւանի ժամանակացոյցով ժամը 19:00-ին, ֆութպոլի ակադեմիայի մարզադաշտին վրայ տեղի պիտի ունենայ Հայաստան – Ռումանիա մրցումը, որ կ՛իյնայ Եւրոպայի 2017-ի 21 տարեկանէն վար ախոյեանութեան զտումի մրցաշարքին ծիրին մէջ:
Նախապատրաստուելու համար այս մրցումին, Հայաստանի երիտասարդական հաւաքականը երէկ սկսաւ իր մարզական հաւաքին, որ կը տեւէ մինչեւ 7 սեպտեմբեր, յայտնեց Հայաստանի ֆութպոլի ֆետերասիոնին պաշտօնական կայքը:
Նշենք, որ այսօր` 1 սեպտեմբերին, հաւաքականին կը միանան Աղուան Պապիկեան եւ Իվան Մամախանով:
Իսկ Հայաստան – Դանիա Եւրօ-2016-ի Եւրոպայի ֆութպոլի ախոյեանութեան զտումի մրցաշարքին չմասնակցելու պարագային, երիտասարդական հաւաքականին կը միանայ նաեւ Արտեոմ Սիմոնեան:
Ստորեւ` հաւաքականի գլխաւոր մարզիչ Արտակ Օսէեանի կողմէ նկատի առնուած մարզիկները.
ԲԵՐԴԱՊԱՀՆԵՐ.
Անաթոլի Այվազով (Փիւնիկ), Գրիգոր Մակարեան (Բանանց) եւ Արտեոմ Կարապետեան (Միքա):
ՅԵՏՍԱՊԱՀՆԵՐ.
Արթուր Քարտաշեան, Ռոպերթ Յակոբեան, Վասպուրակ Մինասեան, Յովհաննէս Ներսիսեան (Փիւնիկ), Արամ Շախնազարեան, Արմէն Մանուչարեան, Աղաւարդ Պետրոսեան (Բանանց) եւ Իվան Մամախանով (Թորփետօ-Արմաւիր, Ռուսիա):
ՄԻՋՆԱՊԱՀՆԵՐ.
Ղուկաս Պօղոսեան, Ալիք Առաքելեան, Սարգիս Շահինեան (Փիւնիկ), Գոռ Մալաքեան (Շիրակ), Կարէն Յարութիւնեան, Նայիրի Մինասեան (Բանանց), Աղուան Պապիկեան (Պելխաթով, Լեհաստան) եւ Շանթ Պետրոսեան (Կրաֆսհափ, Հոլանտա):
ՅԱՌԱՋԱՊԱՀՆԵՐ.
Ռազմիկ Յակոբեան (Փիւնիկ), Պետրոս Աւետիսեան (Բանանց), Արթուր Միրանեան (Վարտար, Մակեդոնիա) եւ Դաւիթ Արշակեան (Թրաքայ, Լիթուանիա):