Պաշտօնական Բացում` Համահայկական 6-րդ Խաղերուն
Համահայկական 6-րդ խաղերուն պաշտօնական բացման հանդիսութիւնը տեղի ունեցաւ երէկ` կիրակի, 2 օգոստոսին, Վազգէն Սարգսեանի անուան հանրապետական մարզադաշտին վրայ:
2-13 օգոստոսին աւելի քան 6215 մարզիկներ պիտի պայքարին` իրենց քաղաքներուն համար ապահովելու մետալներ:
***
Պարերու եւ երաժշտութեան ուղեկցութեամբ բեմականացուեցաւ հայ ժողովուրդին պատմական ընթացքը` դարերու ընդմէջէն:
Համահայկական խաղերու ընթացքին, Հայկեան երթի բեմականացումը չէր կրնար անտեսել հայ ժողովուրդին պատուհաս եղած դաժանագոյն փորձութիւնը` Ցեղասպանութիւնը, որուն 100-ամեակին տարելիցը կը նշենք այս տարի Համահայկական 6-րդ խաղերուն բացման հանդիսութիւնը իւրայատուկ տօնի վերածուեցաւ Հայաստանի մէջ:
Խաղերը կը սկսին ազդարարելով Հայաստան – սփիւռք – Արցախ եռամիասնութեան տօնը:
Ապա, մարզադաշտ բերուեցաւ Հայաստանի հանրապետութեան դրօշը: Մարզադաշտ մտան համահայկական 6-րդ խաղերուն մասնակցող պատուիրակութիւնները:
Մարզադաշտը ցնծաց, երբ յայտարարուեցաւ, որ ամէնէն մեծ պատուիրակութիւնը եկած է Արեւմտեան Հայաստանէն` 881 հոգի:
Նշենք, որ մարզական շքերթի բացման պատիւը տրուած էր Արցախին:
Համահայկական խաղերուն բացման արարողութեան ընթացքին, Սուրիոյ Հալէպ քաղաքի ներկայացուցիչ Շողիկ Աւետիսեան մարզիկներուն անունով երդում տուաւ, որ մրցումներուն պիտի մասնակցին` յարգելով մարզական օրէնքները: