Կռփամարտ. Ճիորճիօ Պետրոսեանի Հերթական Յաղթանակը
1081
0
Ճիորճիօ Պետրոսեան
Նախորդ շաբաթավերջին Իտալիոյ մէջ տեղի ունեցաւ խառն մրցումներու «Օքթակոն-2015» կռփամարտի միջազգային աւանդական մրցաշարքը:
Այս առնչութեամբ ArmSport.am հաղորդեց, որ գլխաւոր մենամարտին ընթացքին իրարու դէմ յանդիման եկան Իտալիան ներկայացնող հայ մարտիկ Ճիորճիօ Պետրոսեան եւ գերմանացի Էնրիքէ Քել:
Երեք ռաունտէն ետք իրաւարարները յաղթանակը շնորհեցին Ճիորճիօ Պետրոսեանին:
Մրցասպարէզ դուրս եկաւ նաեւ Ճիորճիոյի եղբայրը` Արմէն Պետրոսեան, որ յաղթեց ճափոնցի Քիթոյին:
Նշենք, որ իր արձանագրած այս յաղթանակէն ետք, Ճիորճիօ Պետրոսեան յատուկ շնորհաւորանք ստացաւ Լիվըրփուլի իտալացի յառաջապահ Մարիօ Պալոթելլիէն, որ Պետրոսեանին մօտիկ բարեկամն է: