Եուվենթուս Հետաքրքրուած` Մխիթարեանով
- (0)
«Սքայ Սփորթ Իթալիա» կայքին համաձայն, Իտալիոյ ախոյեան Եուվենթուս կը փորձէ եւ աշխատանք կը տանի իր կազմին միացնելու Հայաստանի ֆութպոլի ազգային հաւաքականի եւ Պորուսիա Տորթմունտի միջնապահ Հենրիխ Մխիթարեանը:
Նկատի ունենալով, որ իտալական ակումբը ձախողեցաւ հոլանտացի Ուեսլի Շնայտըրին ստորագրութիւնը ձեռք ձգել, այժմ անոր հիմնական նպատակը դարձած է Մխիթարեանը:
Սակայն այդ փոխանցումը քիչ մը բարդ կը թուի ըլլալ եւ կը կարծուի, որ անիկա դժուար թէ իրականանայ, կ՛աւելցնէ վերոնշեալ աղբիւրը:
Նշենք, որ թէ՛ Եուվենթուս եւ թէ՛ Տորթմունտ կը մասնակցին «Չեմփիընզ լիկ»-ի ֆութպոլի մրցաշարքին:
