CNN Turk. «Պնդումներ կան, թէ Թուրքիոյ մէջ 4 միլիոն հայ կ՚ապրի»
512
0
«CNN Turk» թրքական լրատուականը վերջերս անդրադարձած է Հայաստանի «Կենտրոն» հեռուստակայանի թողարկած մէկ նիւթին, ուր կը խոսուի քրտական հարցի լուծման հեռանկարներուն և Արևմտեան Հայաստանի մէջ ներկայիս ապրող հայերու թիւին մասին: «Թուրքիոյ 4 միլիոն հայերու առկայութեան մասին պնդում» վերնագրով նիւթին մէջ, «CNN Turk»-ը հանգամանօրէն կը ներկայացնէ Նայիրի Յոխիկեանի պատրաստած վաւերագրականը քրտական հարցի կարգաւորման վերաբերեալ։
Չորս միլիոն հայերու գոյութեան վարկածէն զատ, թրքական կայքը կը յիշեցնէ «Իսլամացուած հայեր» խորհրդաժողովին մասնակցած Այշէ Կիւլ Ալթընայի յայտարարութիւնը, ուր ան հաստատած էր, որ այժմ Թուրքիոյ մէջ կ՚ապրին իսլամացած հայերու միլիոնաւոր ժառանգներ: