Ատանայի զբօսայգիին մէջ հայերու ոսկորներ յայտնաբերուած են

Թուրքիոյ Ատանա քաղաքի (Կիլիկիա) Ինոնիւի անուան զբօսայգիին մէջ կազի խողովակներու տեղադրման համար փորուած փոսին մէջ մարդկային ոսկորներ  յայտնաբերուած են:

Տեսնելով ոսկորները՝ բանուորները դադրեցուցած են աշխատանքը՝ լուր տալով ոստիկանութեան: Թրքական «Ատանահապեր» լրատուական կայքի հաղորդմամբ՝ դէպքի վայր ժամանած ոստիկանները փոսին մէջէն հանած են 2 գանկ, 1 ծնոտոսկր և բազմաթիւ այլ ոսկորներ, որոնք ուղարկուած են քննութեան:

Ի յայտ եկած է, որ այդտեղ 100-150 տարի առաջ եղած է հայկական գերեզմանատուն: 1960-ականներուն հայկական գերեզմանոցը քանդուած է և տեղը հիմնուած Է զբօսայգի ու կոչուած Թուրքիոյ Հանրապետութեան երկրորդ նախագահի Իսմէթ Ինոնիւի անունով: