Չաւուշօղլու Ամերիկաբնակ Թուրքերուն Հետ Խօսած Է Հայոց Ցեղասպանութեան Մասին
507
0
«Արմէնփրես»` վկայակոչելով «կիրեսունկազեթէ» կայքը, կը հաղորդէ, որ Թուրքիոյ արտաքին գործոց նախարար Մեւլութ Չաւուշօղլու Նիւ Եորք կատարած այցելութեան ընթացքին հանդիպում ունեցած է Միացեալ Նահանգներու մէջ թրքական հասարակական կազմակերպութիւններու ղեկավարներու հետ եւ խօսած Հայոց ցեղասպանութեան մասին:
Հանդիպումին ընթացքին Չաւուշօղլու ներկաներուն յիշեցուցած է, որ հայկական սփիւռքը Հայոց ցեղասպանութեան 100-ամեակին նուիրուած արշաւի ձեռնարկած է: Ան ըսած է, որ 2015-ը թուրքերուն համար «բախումներու տարի չէ, եւ պէտք չէ զայն քարոզչական պատերազմի ասպարէզ դարձնել»:
Ան ամերիկացի թուրքերուն յիշեցուցած է, որ Թուրքիոյ համար 2015-ը Չանաքքալէի (Տարտանելի) ճակատամարտի տարին է: