Պեռնար Շալանտ Հրապարակեց Հայաստանի Ֆութպոլի Ազգային Հաւաքականին Կազմը


1003_Armenia-teamՇաբաթ, 11 հոկտեմբերին, Հայաստանի ֆութպոլի ազգային հաւաքականը Եուրօ-2016-ի ախոյեանութեան զտումի մրցաշարքին ծիրին մէջ կը հիւրընկալէ Սերպիան, իսկ 14 հոկտեմբերին կը կատարէ ֆութպոլի միջազգային բարեկամական մրցում մը` Ֆրանսայի դէմ:

Այս մրցումներուն նախապատրաստուելու համար Հայաստանի ազգային հաւաքականը 6-14 հոկտեմբերին պիտի կատարէ մարզական հաւաք մը` Հայաստանի ֆութպոլի ակադեմիային մէջ, կը յայտնէ Հայաստանի ֆութպոլի ֆետերասիոնին պաշտօնական կայքը:

Հայաստանի հաւաքականի գլխաւոր մարզիչ Պեռնար Շալանտ երէկ հրապարակեց այն ֆութպոլիստներուն անունները, որոնք մարզական այս հաւաքին մասնակցելու հրաւէր ստացած են:

Ստորեւ` Հայաստանի կազմը.

ԲԵՐԴԱՊԱՀՆԵՐ.- Ռոման Պերեզովսքի (Տինամօ Մոսկուա, Ռուսիա), Գէորգ Գասպարով (Միքա) եւ Արսէն Բեգլարեան (Ուլիս):

ՅԵՏՍԱՊԱՀՆԵՐ.- Յովհաննէս Համբարձումեան (Վարտար, Մակեդոնիա), Լեւոն Հայրապետեան (Փրիպրամ, Չեխիա), Հրայր Մկոյեան (Իսթիղլալ, Իրան), Ռոպերթ Արզումանեան (Աքթոպէ, Ղազախստան), Վարազդատ Հարոյեան, Կամօ Յովհաննիսեան, Տարօն Ոսկանեան (Փիւնիկ) եւ Ալեքս Էնրիքէ Տա Սիլվա (Միքա):

ՄԻՋՆԱՊԱՀՆԵՐ.- Կարլեն Մկրտչեան (Մեթալուրկ Տոնեցք, Ուքրանիա), Էտկար Մանուչարեան (Ուրալ, Ռուսիա), Գէորգ Ղազարեան (Օլիմփիաքոս, Յունաստան), Նորայր Ասլանեան (Ալմեր Սիթի, Հոլանտա), Ռումեան Յովսէփեան (Մեթալուրկ Տոնեցք, Ուքրանիա), Արթուր Եդիգարեան (Քայրաթ, Ղազախստան), Արտակ Տաշեան (Վարտար, Մակեդոնիա), Մարքոս Փիցելլի (Աքթոպէ, Ղազախստան), Զաւէն Պատոյեան (Կոմել, Պիելոռուսիա), Արտեոմ Սիմոնեան (Զենիթ Ս. Փեթերսպուրկ) եւ Մասիս Ոսկանեան (Փիւնիկ):

ՅԱՌԱՋԱՊԱՀՆԵՐ.- Արթուր Սարգիսով (Վոլքա, Ռուսիա), Արթուր Միրանեան (Վարտար, Մակեդոնիա) եւ Ալեքսանտր Կարապետեան (Տիւտելանժ, Լիւքսամպուրկ):

ՆՇԵՆՔ, որ թէեւ Գէորգ Ղազարեան եւ Հրայր Մկոյեան ընդգրկուած են հաւաքականին մէջ, սակայն անոնց մասնակցութիւնը հարցականի տակ է, որովհետեւ կրնայ պատահիլ, որ անոնք իրենց ստացած վնասուածքներուն պատճառով ապաքինած չըլլան:

Ինչ կը վերաբերի Ալեքսանտր Կարապետեանին, ան առաջին անգամ ըլլալով կը հրաւիրուի հաւաքական:

 

 


Leave a Comment

You must be logged in to post a comment.