Կռփամարտ. Դաւիթ Սաֆարեան` Աշխարհի Ախոյեան Հանդիսացող Թեկնածուներուն Շարքին

ArmSport.am  հայկական լրատուական կայքը կը յայտնէ, որ Թաշքենտի մէջ տեղի ունենալիք ըմբշամարտի աշխարհի ախոյեանութեան սկիզբին ընդամէնը մէկ շաբաթ մնացած է:

Մասնագէտներու եւ համակիրներու շրջանակին մէջ ներկայիս կը կատարուին բուռն քննարկումներ եւ զանազան տեսակի կանխատեսումներ:

Այդ իմաստով առանձնակի կերպով մեծ հետաքրքրութիւն կը ներկայացնեն ազատ ոճի ըմբշամարտի 65 քկ դասակարգին մէջ աշխարհի ախոյեանի տիտղոսին թեկնածուներուն վերաբերեալ կանխատեսումները:

Wrestday.ru կայքին մէջ կը նշուի աշխարհի գործող ախոյեան Դաւիթ Սաֆարեանի անունը:

Նշենք, որ ներկայիս ՖԻԼԱ-ի ընդհանուր դասաւորման մէջ Դաւիթ Սաֆարեան կը գրաւէ 4-րդ դիրքը:

Յայտնենք նաեւ, որ 2013-ին աշխարհի եւ Եւրոպայի ախոյեան հանդիսացած Դաւիթ Սաֆարեան վնասուածքի պատճառով, որոշ դադարէ մը ետք սկսաւ իր մարզումներուն:

Նախորդ յունիսին Գերմանիոյ մէջ տեղի ունեցած կրան փրիի մրցաշարքին ան գրաւեց 2-րդ դիրքը, իսկ նախորդ մայիսին Իտալիոյ մէջ տեղի ունեցած մրցաշարքին բաւարարուեցաւ 3-րդ դիրքով: