«ՓՈԽԱՆԱԿՈՒՄ ԿԱՐՈՂ Է ԼԻՆԵԼ ՄԻԱՅՆ ԴԻԱԿԻ ՀԵՏ». ԱՐԾՐՈՒՆ ՅՈՎՀԱՆՆԻՍԵԱՆ

ԵՐԵՒԱՆ, «Երկիր Մեդիա».– Հայաստանի պաշտպանութեան նախարարութեան բանբեր Արծրուն Յովհաննիսեան Pastinfo.amի յայտնած է, որ Ատրպէյճանի մէջ գերի ինկած եւ հոն մահացած Չինարի գիւղի բնակիչ Կարէն Պետրոսեանի դիակը Հայաստան տեղափոխելու ուղղութեամբ գործընթացը կը շարունակուի: Արծրուն Յովհաննիսեան աւելցուցած է, որ պէտք է ամէն ինչ ընել, որպէսզի դիակը Հայաստան բերուի եւ փորձաքննութիւն կատարուի, սակայն ցարդ արդիւնքներ չկան:
Կարէն Պետրոսեանի դիակը փոխանակելու հաւանականութեան անդրադառնալով՝ Արծրուն Յովհաննիսեան նշած է. «Փոխանակում կարող է տեղի ունենալ միայն դիակի հետ՝ ադրբեջանցի դիվերսանտի դիակ, ում հայկական կողմը յուղարկաւորել է Ղարաբաղում»: Կարմիր Խաչի միջազգային կոմիտէի Հայաստանի գրասենեակի հաղորդակցման ծրագիրներու ղեկավար Զառա Ամատունին եւս Pastinfo.am ին յայտնած է, որ գործընթացը երկխօսութեան հանգրուանի մէջ կը գտնուին իշխանութիւններուն հետ, սակայն տակաւին յառաջընթաց չկայ. «Երբ կը լինի երկու կողմից որոշակի համաձայնութիւն, կը կարողանանք փաստացի առաջարկել հայրենադարձման մեր դերը», դիտել տուած է ան։