Նանճինկ-2014. Հայաստանի Պատուիրակութիւնը Ժամանեց Նանճինկ

Երէկ առաւօտեան Հայաստանի ողիմպիական պատուիրակութիւնը ժամանեց Չինաստանի Նանճինկ քաղաքը, ուր 16 օգոստոսին կը սկսին պատանիներու ողիմպիական 2-րդ խաղերը, կը յայտնէ ArmSport.am հայկական լրատուական կայքը:

Հայաստանի 32 անդամ հաշուող պատուիրակութիւնը կը գլխաւորէ Հայաստանի ազգային ողիմպիական կոմիտէի գլխաւոր քարտուղար Հրաչեայ Ռուստամեան:

Նանճինկի մէջ տարբեր տեսակի մրցումներու իրենց մասնակցութիւնը պիտի բերեն հետեւեալ մարզիկները.

ՄԱՐՄՆԱՄԱՐԶՈՒԹԻՒՆ.- Վիգէն Խաչատրեան

ԺԻՒՏՕ.- Յարութիւն Տերմիշեան (66 քկ)

ՀՐԱՑԱՆԱՁԳՈՒԹԻՒՆ.- Զաւէն Իգիթեան եւ Հրաչիկ Բաբայեան

ԼՈՂԱՐՇԱՒ.- Վահան Մխիթարեան

ԾԱՆՐԱԲԱՐՁՈՒԹԻՒՆ.- Սոնա Պօղոսեան (63 քկ), Յակոբ Մկրտչեան (77 քկ) եւ Սիմոն Մարտիրոսեան (85 քկ եւ վեր)

ԿՌՓԱՄԱՐՏ.- Անուշ Գրիգորեան (51 քկ) եւ Նարեկ Մանասեան (81 քկ)

ՅՈՒՆԱՀՌՈՄԷԱԿԱՆ ԸՄԲՇԱՄԱՐՏ.- Զաւէն Միքայէլեան (58 քկ)

ՋՐԱՑԱՏԿ.- Լեւ Սարգսեան (10 մեթր)

ԱԶԱՏ ԸՄԲՇԱՄԱՐՏ.- Վաղինակ Մաթէոսեան (54 քկ) եւ Սարգիս Յովսէփեան (76 քկ):