Ատրպէյճան Կը Պատրաստուի Լայնածաւալ Ռազմափորձերու
788
0
ԵՐԵՒԱՆ, «Ազատութիւն».- Ատրպէյճանի զինուորական ուժերը նախապատրաստական աշխատանքներ կը տանին այս տարուան Յունիս 26ին սկսելիք լայնածաւալ ռազմափորձերուն համար:
Իր տեղեկութիւնները քաղելով զինուորական աղբիւրներէ՝ ատրպէյճանական «Էֆ.Փի.Էյ.» լրատուական գործակալութիւնը կը հաղորդէ, թէ ռազմափորձերը պիտի տեւեն քանի մը օր եւ մեծագոյնը պիտի ըլլան Ատրպէյճանի պատմութեան մէջ: Սահմանապահ եւ ներքին զօրքերու ստորաբաժանումներ եւս պիտի մասնակցին անոնց, որոնց ընթացքին պիտի փորձարկուի Ատրպէյճանի զինուորական ուժերուն կողմէ նոր գնուած սպառազինութիւնը:
Ատրպէյճանի զինուորական ուժերը մօտաւորապէս ամիս մը առաջ ռազմափորձեր կատարած էին Նախիջեւանի մէջ, իսկ այս ամսուան սկիզբը՝ հայկական զօրքերու հետ շփման գիծին մերձակայքը: