«1938-ին Տերսիմի մէջ տեղի ունեցած ջարդը՝ ցեղասպանութիւն էր», կ՚ըսէ Միհրան Փրկիչ


 

Տերսիմահայերու հայրենակցական միութեան նախագահ Միհրան Փրկիչ Կիւլթէքին, Երեւանի մէջ կայացած Արեւմտահայայաստանի հարցերու ուսումնասիրման կեդրոնի կազմակերպած հաւաքի ընթացքին յայտարարեց, թէ «1938-ին Տերսիմի մէջ տեղի ունեցած ջարդը՝ ցեղասպանութիւն էր

Ըստ Փրկիչի՝ 1915-ի ցեղասպանութեան եւ 1938-ին Տերսիմի կոտորածներու հարցերը շատ կարեւոր են: «Կոտորածներու միջոցով թրքական ղեկավարները փորձած են լուծել միաժամանակ թէ՛ հայերու ու թէ՛ ալեւիներու հարցը, որոնք այդ ժամանակ միացած էին: Պետութիւնը ժամանակին մեծ տարբերութիւն կը դնէր ալեւիներու ու Թուրքիոյ մէջ բնակող միւս մահմետականներուն միջեւ: Տերսիմի ալեւիներուն «անհաւատ» կը կոչէին»,-ընդգծեց Միհրան Փրկիչ:

Ան նշեց, որ տերսիմահայերը երկու անգամ ապրած  են ոչնչացման վտանգը ու մինչեւ օրս կը վախենան իրենք զիրենք հայեր կոչել:

Տերսիմի արմատներով Միհրան Փրկիչ Կիւլթէքին մի քանի տարի առաջ վերադարձած է իր հայկական արմատներուն եւ մկրտուած քրիստոնեայ։


Leave a Comment

You must be logged in to post a comment.