Արցախի Նախագահ Բակօ Սահակեան այցելեց Ստեփանակերտի վերանորոգուած Հանրապետական հիւանդանոց

Արցախի Հանրապետութեան Նախագահ Բակօ Սահակեան Մարտ 3-ին այցելեց Ստեփանակերտի Սարգիս եւ Ամալիա Կարապետեաններու անուան հանրապետական բժշկական կեդրոն եւ ծանոթացաւ հաստատութեան գործունէութեան:

Երկրի ղեկավարը նշեց, որ հիւանդանոցի աշխատանքը ժամանակակից պայմաններուն համապատասխանող նոր մասնաշէնքով պետք է իր դրական ներդրումը ունենայ բուժսպասարկման որակի բարձրացման վրայ։

Նշենք, որ Հիւանդանոցի բարերարն է ռուսահայ մեծահարուստ Սամուէլ Կարապետեանը, որ հիւանդանոցի կառուցման նուիրած է 22 միլիոն տոլար։ Հիւանդանոցի բացումը կատարուեցաւ 2013-ի Սեպտեմբեր 24-ին։