Գերապատիւ Տ. Մեղրիկ Ծ. Վրդ. Բարիքեան կը նշանակուի Առաջնորդական փոխանորդ
1558
0
Բարձր տնօրինութեամբ, Բարեխնամ Առաջնորդ՝ Գերաշնորհ Տ. Խաժակ Սրբ. Արք. Յակոբեանի եւ Ազգային Վարչութեան խառն ժողովին, Գերապատիւ Տ. Մեղրիկ Ծ. Վրդ. Բարիքեան կը նշանակուի Առաջնորդական փոխանորդ Գանատայի Հայոց Թեմին:
Հայր Մեղրիկ Վարդապետի Գանատայի մէջ ծառայութիւնը սկսած է 19 Դեկտեմբեր 2002-ին, որպէս Հոգեւոր Հովիւ՝ Ս. Աստուածածին Հայց. Առաքելական Եկեղեցւոյ: 2010-ին, Առաջնորդ Սրբազան Հօր որոշումով, ան նշանակուած է Օնթարիոյ նահանգի Հոգեւոր Տեսուչ եւ միաժամանակ կը վարէ Թեմիս Կրօնական Ժողովի ատենապետութիւնը:
Հայր Սուրբը իր Աստուածատուր շնորհներով ձեռներեցութեամբ վարած է իրեն վստահուած առաքելութիւնը եւ ծառայական իր այս նոր հանգրուանին իրեն կը մաղթենք նորանոր յաջողութիւններ: