Ռուսիա Ատրպէյճանին Ինքնագնաց Հրետանային Կայաններ Պիտի Ծախէ
1629
0
ԵՐԵՒԱՆ, «Արմէնփրէս».- Ռուսիա մինչեւ 2014ի վերջաւորութիւնը Ատրպէյճանին պիտի մատակարարէ «2S31 Վենա» տիպի ինքնագնաց 18 հրետանային կայաններ. այս մասին կը տեղեկացնէ ատրպէյճանական «Էյ. Փի.Էյ.» լրատուական գործակալութիւնը:
Մօտիկ ապագային, Ատրպէյճանին պիտի փոխանցուին ինքնագնաց հրետանային կայաններու առաջին խումբը, որ արտադրուած է «Քուրկանմաշզաւոտէ» ընկերութեան կողմէ:
Համակարգերը կարողութիւն ունին մինչեւ 13 քլմ. հեռաւորութեան վրայ ինքնուրոյն կարգաւորելու կրակոցները, օրերով ինքնուրոյն հետախուզութիւն իրականացնելու ու փակ դիրքերէ յարձակում գործելու: