Մահացել է Սօս Սարգսեանը

ԵՐԵՒԱՆ, «Առաւօտ».- Մահացել է հայ անուանի դերասան, ՀՀ ժողովրդական արտիստ Սօս Սարգսեանը:

Սօս Սարգսեանը ծնուել է 1929 թուականի Հոկտեմբերի 24ին Ստեփանաւան քաղաքում։ 1948 թ. տեղափոխուել է Երեւան եւ աշխատել Երեւանի պատանի հանդիսատեսի թատրոնում՝ որպէս դերասան։

1954 թ. աւարտել է Երեւանի գեղարուեստաթատերական ինստիտուտի դերասանական ֆակուլտետը։

1954-1991թթ. եղել է Երեւանի Գաբրիէլ Սունդուկեանի անուան ակադեմիական թատրոնի դերասան։

1991 թ. հիմնադրել է Համազգային թատրոնը։

1997-2006 թթ. Երեւանի թատրոնի եւ կինոյի պետական ինստիտուտի ռեկտորն է, 2006-ից՝ ինստիտուտի կառավարման խորհրդի նախագահը։

2009 թ. ընտրուել է ՀՀ Հանրային խորհրդի անդամ։

Նկարահանվել է քառասունից աւելի գեղարուեստական ֆիլմերում, ինչպիսիք են՝ «Նուագախմբի տղաները»‚ «Եռանկյունի»‚ «Մենք ենք, մեր սարերը», «Նահապետ»‚ «Խաթաբալա», «Ձորի Միրո», «Սոլյարիս», Հայաստանում եւ ԽՍՀՄ միւս տարածքում նկարահանուած բազմաթիւ այլ ֆիլմերում։