Ճատրակ. Հայաստանը` Աշխարհի Խմբային Ախոյեանութեան

Հայաստանի ճատրակի ֆետերասիոնին պաշտօնական կայքէջը (armchess.am) կը հաղորդէ, որ նախորդ շաբաթավերջին ՖԻՏԷ-ն հաստատեց 24 նոյեմբերէն 6 դեկտեմբեր Թուրքիոյ Անթալիա քաղաքին մէջ տեղի ունենալիք ճատրակի աշխարհի խմբային ախոյեանութեան մասնակցողներուն անունները: Անոնք են` Հայաստան, Ռուսիա, Ուքրանիա, Հոլանտա, Գերմանիա, Միացեալ Նահանգներ, Չինաստան, Եգիպտոս եւ Թուրքիա: 10-րդ մասնակցողին անունը իր ընտրութեամբ պիտի յայտարարէ ՖԻՏԷ-ի նախագահ Քիրսան Իլիումժինով: