Մխիթարեանի Փոխանցման Արժեգինը 4 Միլիոն Եւրոյով Բարձրացաւ

Հոկտեմբեր 21, 2015 1023 0


heno_10-20-15

Transfermarket.de կայքը մինչեւ 22 միլիոն եւրոյի բարձրացուց Պորուսիա Տորթմունտի եւ Հայաստանի ֆութպոլի ազգային հաւաքականի միջնապահ Հենրիխ Մխիթարեանի փոխանցման արժեգինը: Մինչ այդ, 26 տարեկան ֆութպոլիստին փոխանցման արժեգինը կը գնահատուէր 18 միլիոն եւրոյով:

Շատ հաւանական է, որ նման փոփոխութիւն կապուած է «Պունտըսլիկա»-ի եւ Եուրոփա-լիկ-ի մրցումներուն Մխիթարեանի յաջող խաղարկութեան հետ:

Նշենք, որ Մխիթարեանի առաւելագոյն փոխանցման արժեգինը` transfermarket.de կայքին համաձայն, գնահատուած է 26 միլիոն եւրոյով` 27 օգոստոս 2013-էն 4 փետրուար 2015 ժամանակաշրջանին ընթացքին:


Leave a Comment

You must be logged in to post a comment.