Վարդավառի տօնը նշուած է Սասնոյ Մարաթուկ լերան վրայ

Ֆրանսայէն, Ամերիկայէն և այլ երկիրներէ Սթանպուլ ժամանած հայեր, Վարդավառի տօնին այցելած են Սասուն եւ բարձրացած Մարաթուկ լեռը: Թրքական «Հապերլեր» լրատուական կայքէջը կը յայտնէ, որ հայերը հանդիպած են Սասունի քաղաքապետ Ճումա Ուչարի հետ:

Սասնոյ հայերու ներկայացուցիչ Պեսէ Քաբաքը յայտնած է, որ  Սասուն հայեր Սասուն կ՚այցելեն ներկայ գտնուելու Մարաթուկի վրայ ամէն տարի նշուող Վարդավառի տօնին: 

«Մենք հայերու հետ խնդիր չունինք: Հայերու նման այցելություններէն շատ գոհ ենք»,- նշած է քաղաքապետ Ուչարը՝ հավաստիացնելով, որ պատրաստ են իրենց հնարաւորութեան սահմաններուն մէջ օգտակար հանդիսանալ հայերուն:

Նկարը՝ Մարաթուկ լեռը։