Ճատրակ. Ղարամեան Եւ Յովհաննիսեան Հանդիսացան Երկրորդ

Տիգրան Ղարամեան

Կրանտմասթըր Տիգրան Ղարամեան Փարիզի ճատրակի միջազգային բաց մրցաշարքին առաւելագոյն 9 կէտէն, 6,5 կէտ ապահովելով, 41 մասնակցողներուն մէջ բաժնեց 1-3-րդ դիրքը:

Սակայն լրացուցիչ ցուցանիշներով Ղարամեան գրաւեց 2-րդ դիրքը, մինչ տիտղոսին տիրացաւ Սերկէյ Ֆետորչուք (Ուքրանիա):

Շարունակելով իր լուրը` ArmSport.am կը յայտնէ, որ միջազգային վարպետ Մհեր Յովհաննիսեան, Շարլրուա (Պելճիքա) քաղաքին մէջ տեղի ունեցած ճատրակի միջազգային մրցաշարքին առաւելագոյն 9 կէտէն 6,5 կէտ ապահովելով իր կարգին ենթարկուեցաւ Ղարամեանի ճակատագիրին, երբ լրացուցիչ ցուցանիշներով գրաւեց 2-րդ դիրքը` Կերթ Վան տեր Սթրիխթի (Հոլանտա) ետին: