Համա-Հ.Մ.Ը.Մ.-ական 10-րդ բանակում

ՀամաՀ.Մ.Ը.Մ.ական 10րդ բանակումի մեկնարկը պիտի տրուի 31 Յուլիս 2014ին, Բիւրականի մէջ, Հայաստան։ Բանակումին կը մասնակցին 728 Հ.Մ.Ը.Մ.-ականներ, 17 երկիրներէ՝ Հայաստան, Լիբանան, Սուրիա, Յորդանան, Քուէյթ, Իրաք, Երուսաղէմ, Արեւելեան եւ Արեւմտեան Միացեալ Նահանգներ, Գանատա, Աւստրալիա, Հարաւային Ամերիկա (Արժանթին եւ Ուրուկուէյ), Ֆրանսա, Անգլիա, Հոլանտա, Յունաստան եւ Իրան։ Բանակումին նշանաբանն է.- «Արագածէն Արարատ, տէրն ենք մեր Դատին»։

Աշխարհասփիւռ Հ.Մ.Ը.Մ.ական քոյրերն ու եղբայրները, մէկտեղուելով հայրենիքի մէջ, 10 անմոռանալի օրեր պիտի անցընեն՝ ծանօթանալով հայրենի պատմութեան ու բնութեան, իրենց յարգանքի տուրքը մատուցելով Ցեղասպանութեան զոհերու եւ Արցախեան պատերազմի նահատակներուն, ինչպէս նաեւ զարգացնելով իրենց սկաուտական գիտելիքներն ու ամրապնդելով իրենց սկաուտական երդումը։

Հետեւելու համար բանակումի նորութիւններուն բացուած է յատուկ կայք մը http://www.panagoum.homenetmen.co ուր կրնաք գտնել անմիջական տեղեկութիւններ եւ ուր պիտի տեղադրուին բանակումի լուրերը։

Նորութիւններուն կրնաք հետեւիլ նաեւ դիմատետրի Homenetmen  ՀՄԸՄ էջին 

https://www.facebook.com/pages/Homenetmen-ՀՄԸՄ/587780927918700?ref_type=bookmark https://www.facebook.com/groups/161556273941710/

https://www.youtube.com/channel/UCYgFSykgAYd6H4fIiLnXhLw.