Յակոբ Տէր Խաչատուրեան. «Սփիւռքահայերի «սեւ ցուցակ» չպէտք է լինի»
Օրուայ իշխանութիւնների քաղաքականութեան նկատմամբ դրսեւորած անհամաձայնութիւնը որեւէ պարագայում չի կարող հիմք հանդիսանալ Հայրենիք մուտքի արգելքի համար։ Այս մասին յայտարարութիւն է տարածել ՀՅԴ Բիւրոյի ներկայացուցիչ Յակոբ Տէր Խաչատուրեանը:
«Արդէն մէկ տարուց աւելի է, ինչ շինծու մեղադրանքով արգելուած է ՀՅԴ Բիւրոյի անդամ, Ֆրանսիայի հայկական կազմակերպութիւնների համակարգող խորհրդի համանախագահ Մուրատ Փափազեանի մուտքը Հայաստան։ Եւ սա առաջին ու միակ դէպքը չէ։ Ցաւալի է, բայց փաստ, որ ինչպէս եւ Ատրպէյճանում, Հայաստանում եւս գոյութիւն ունի հայկական շահերի պաշտպանների «սեւ ցուցակ»։
Օրուայ իշխանութիւնների քաղաքականութեան նկատմամբ դրսեւորած անհամաձայնութիւնը որեւէ պարագայում չի կարող հիմք հանդիսանալ Հայրենիք մուտքի արգելքի համար։ Նման սահմանափակումները հիմնովին խախտում են իրաւունքի եւ ժողովրդավարութեան հիմնարար սկզբունքները։
Այս անարդարութիւնն ու խտրական վերաբերմունքը չի կարելի հանդուրժել։ Հնարաւոր բոլոր օրինական ճանապարհներով շարունակելու ենք հետամուտ լինել, որպէսզի սփիւռքահայ մեր հայրենակիցների ոտնահարուած իրաւունքները վերականգնուեն», ասել է նա։
Comments are closed.