ՀՅԴ անդամներին եւ համակիրներին առանց որեւէ հիմքի հրաւիրում են Ոստիկանութեան մարզային բաժիններ

Այսօր վաղ առաւօտից ՀՅԴ անդամներին եւ համակիրներին առանց որեւէ հիմքի հրաւիրում են Ոստիկանութեան մարզային բաժիններ, որտեղ նրանց ապօրինի կերպով յորդորում են զերծ մնալ այսօր` ժամը 18։00-ին Երեւանում յաջակցութիւն Սամուէլ Կարապետեանի կազմակերպուած հաւաքին մասնակցելուց, որոշ դէպքերում էլ անիմաստ հարցաքննութիւններով պահում բաժիններում:

Այսպիսով, ոստիկանութիւնը սահմանափակում է քաղաքացիների ազատ տեղաշարժուելու եւ հաւաքներին մասնակցելու իրաւունքը:

Ակնյայտ է, նման քայլերով անհնար է մեր քաղաքացիներին ետ պահել իրենց արդար բողոքի ձայնը բարձրացնելուց, եւ այսպիսի գործողութիւններն ընդամէնը վկայում են վարչախմբի վախերի մասին։

ՀՅԴ Հայաստանի Գերագոյն մարմնի Հանրային կապերի գրասենեակ