«Հայաստան» դաշինքը հրապարակեց հետեւեալ յայտարարութիւնը.

27 Հոկտեմբերին, կառավարութեան հետ հարցուպատասխանի ժամանակ, հերթական անգամ խուսափելով հարցերին յստակ պատասխանելուց, մոլորեցնելով հասարակութեանը, վարչապետի պաշտօնը զբաղեցնող անձը փորձ արեց տպաւորութիւն ձեւաւորել, թէ «Հայաստան» դաշինքը պատրաստ է իր հետ փակ քննարկումների ու զրոյցների:

«Հայաստան» դաշինքը յայտարարում է, որ Հայաստանի Հանրապետութեան ինքնիշխանութիւնն ու անվտանգութիւնը սպառնալիքի տակ դրած, Արցախի զգալի մասը դաւադիր պատերազմում թշնամուն յանձնած, թշնամիներին` կառուցողական, իսկ սեփական հայրենակիցներին` շինծու գործերով կալանաւորումների հրահանգներ տուած, սեւերի ու սպիտակների բաժանած անձնաւորութեան հետ չի կարող լինել որեւէ փակ քննարկում` որեւէ ձեւաչափով:

Ի վերջոյ, ցանկանան, թէ` ոչ, պէտք է հաշուետու լինեն հանրութեան առջեւ: Եւս մէկ անգամ վերահաստատում ենք, որ մենք մէկ սանթիմեթր անգամ չենք հրաժարուել այս ազգակործան իշխանութիւններին հեռացնելու մեր նպատակից, եւ միայն այդ օրակարգով կարող է լինել քննարկում վարչապետի պաշտօնը ժամանակաւորապէս զբաղեցնողի հետ:

«ՀԱՅԱՍՏԱՆ» ԴԱՇԻՆՔ

Leave a Comment

You must be logged in to post a comment.