Այսօր Վահան Յովհաննիսեանը կը դառնար 67 տարեկան

«Ես երբեք չեմ երազել լինել ինչ-որ կուսակցութեան անդամ, բայց եթէ լինել` ապա միայն ՀՅԴ-ի անդամ»
Օգոստոսի 16-ը ՀՅԴ Բիւրոյի անդամ, Գերմանիոյ մօտ ՀՀ արտակարգ եւ լիազօր դեսպան, մտաւորական,
պատմաբան, քաղաքական գործիչ Վահան Յովհաննիսեանի ծննդեան 67-ամեակն է:

Վահան Էդուարդի Յովհաննիսեան ծնած է 1956 թուականին, Երեւան:

1973 թուականին Վահան Յովհաննիսեան կը մեկի Մոսկուա եւ 1978 թուականին այնտեղ կ՛աւարտէ Մոսկուայի պետական մանկավարժական համալսարանը եւ կը լծուի աշխատանքի Հարաւային Սիպիրի մէջ:

Վահան Յովհաննիսեան գերադասեց վերադառնալ հայրենիք եւ աշխատիլ գիւղի մէջ` իբրեւ ուսուցիչ: 1980 թուականին զինծառայութիւնը աւարտելէ եւ Երեւան վերադառնալէ ետք վերջապէս կարելի եղաւ սկսիլ աշխատանքի՝ իր սիրած մասնագիտութեամբ:

«Էրեբունի» թանգարանին մէջ Վահան Յովհաննիսեան կ՛աշխատէր 1980 թուականէն, սկիզբը` իբրեւ գիտաշխատող, յետոյ` գիտահետազօտական բաժնի վարիչ, իսկ 1989 թուականէն տեղափոխուեցաւ Գիտութիւններու ակադեմիայի հնագիտութեան եւ ազգագրութեան հիմնարկ: Տարբեր հնագիտական արշաւախումբերու կազմին մէջ Վահան Յովհաննիսեան պեղումներու մասնակցած է Հայաստանի ամբողջ տարածքին:

1989 թուականին Վահան Յովհաննիսեան անդամագրուած է Հայ Յեղափոխական Դաշնակցութեան: Հայրենիքին մէջ կուսակցութեան պաշտօնական վերահաստատումէն ետք, 1990 թուականին ընտրուած է Դաշնակցութեան առաջին Կեդրոնական Կոմիտէի անդամ եւ գործուղուած է Արցախ, ուր մասնակցած է ինքնապաշտպանութեան կազմակերպման աշխատանքներուն: 1992 թուականին Վահան Յովհաննիսեան ընտրուած է ՀՅԴ Բիւրոյի անդամ:

1995 թուականին ՀՀՇ-ական իշխանութիւններու Դաշնակցութեան դէմ ծաւալած հալածանքի օրերուն կեղծ ամբաստանութիւններով բանտարկուեցաւ։ Գտնուելով կալանքի տակ` Վահան Յովհաննիսեան 1997 թուականին հեռակայ կերպով ընտրուեցաւ ՀՅԴ Հայաստանի Գերագոյն մարմնի անդամ: Դատաքննութեան ընթացքին ան կը շարունակէր քաղաքական գործունէութիւն ծաւալել: Անոր ելոյթները դատարանին մէջ քաղաքական մեծ արժէք ունէին այդ օրերուն:

1999 թուականէն մինչեւ իր մահը ՀՅԴ Բիւրոյի անդամ էր:

1999 թուականին ընտրուած է ՀՀ Ազգային Ժողովի պատգամաւոր 17-րդ մեծամասնական ընտրատարածքէն եւ դարձած Պաշտպանութեան, ազգային անվտանգութեան եւ ներքին գործերու մշտական յանձնաժողովի նախագահ: Ղեկավարած է Հայաստանի ԱԺ առաջին պատուիրակութիւնը ՆԱԹՕ-ի խորհրդարանական վեհաժողովին մէջ:

2003-ին եւ 2007-ին դարձեալ ընտրուած է խորհրդարանի պատգամաւոր եւ երկու անգամ ալ դարձած է Ազգային Ժողովի փոխնախագահ: Այդ պաշտօնը վարած է մինչեւ 2008 թուականը: Այդ ժամանակահատուածին ղեկավարած է Հայաստանի Աժ պատուիրակութիւնը ԵԱՀԿ խորհրդարանական վեհաժողովին, եղած է Հայաստան-Ռուսաստան եւ Հայաստան-Պելառուսիա միջխորհրդարանական յանձնաժողովներու համանախագահ:

2008 թուականին մասնակցած է նախագահական ընտրութիւններուն` իբրեւ ՀՅԴ թեկնածու:

2012 թուականի Մայիս 6-ին Ազգային ժողովի պատգամաւոր ընտրուած է համամասնական ընտրակարգով ՀՅԴ կուսակցութենէն: Ղեկավարած է Հայաստանի առաջին պատուիրակութիւնը Եւրոնեսթ խորհրդարանական վեհաժողովին` ընտրուելով Եւրոնեսթի Բիւրոյի անդամ:

2013 թուակաին Դեկտեմբեր 28-ին ՀՀ նախագահի հրամանագիրով նշանակուած է Գերմանիոյ մօտ ՀՀ արտակարգ եւ լիազօր դեսպան:

Վահան Յովհաննիսեան կեանքէն հեռացաւ 20 տարի ետք ճիշտ այն օրը, երբ հայրենիքի մէջ կասեցուեցաւ Դաշնակցութիւնը:

*

Վահան Յովհաննիսեանի մտքերէն

– Եթէ չլինէր ղարաբաղեան շարժումը, ես չէի պատրաստւում խառնուել քաղաքականութեանը եւ կուսակցական կեանքին: Իմ գործը գիտութիւնն էր: Սակայն 1988 թ. հայ ժողովուրդը որոշեց, որ բարձր ատեաններ դիմելու միջոցով կարող է հասնել պատմական արդարութեան: Ես հասկանում էի, որ դա հարցի լուծում չէ, եւ սկսեցի միջոցներ փնտռել անխուսափելին` այսինքն պատերազմը դիմաւորելու համար: Այդ որոնումների մէջ հանդիպեցի մի կուսակցութեան, որը կազմակերպչական առումով աւելի լաւ էր պատրաստ այն իրողութիւններին, որոնք սպասում էին մեզ, եւ ինչն այն ժամանակ շատերի կողմից չէր գիտակցւում: Իսկ ցեղական գաղափարական ժառանգութիւնը պարզապէս օգնեց գտնելու հայրենիքին ծառայելու ճշգրիտ ճանապարհը` ՀՅԴ միջոցով:

– Ես երբեք չեմ երազել լինել ինչ-որ կուսակցութեան անդամ, բայց եթէ լինել` ապա միայն ՀՅԴ-ի անդամ:

– [Ի՞նչ պէտք է հասկանալ «դաշնակցական» ասելով` կուսակցութի՞ւն, պատմութի՞ւն, գուցէ՞ արժեհամակարգ]: Այն հիմնականում մարդկային տեսակ է: Սա չի նշանակում, որ մարդկանց այդ տեսակը կենտրոնացուած է միայն Դաշնակցութիւնում, կամ` բոլոր այն մարդիկ, ովքեր մեր կուսակցութեան մէջ են, պատկանում են այդ տեսակին: Բայց մեր կուսակցութիւնը չի ձեւաւորուել կամ համախմբուել առաջնորդների կամ փողի շուրջ, դա բացառւում է, ոչ էլ` միմիայն ծրագրերի շուրջ, այլ նաեւ` օրինակելի քաղաքացու մասին մեր պատկերացումների շուրջ:

Comments are closed.