Հայաստանի ՄԷջ Առաջին Դասարանցի 40 000 Աշակերտի Համար Կը Հնչեց Առաջին Դպրոցական Զանգը

Այսօր` Սեպտեմբեր 1-ին ամբողջ աշխարհի մէջ` ներառեալ` Հայաստանի, կը նշուի Գիտելիքի միջազգային օրը: Հայաստանի Հանրապետութեան 1430 դպրոցներու մէջ այսօր կը հնչէ առաջին զանգը:

«Սեպտեմբերի  1-ին նախնական տուեալներով առաջին դասարան կը յաճախի շուրջ 40 000 երեխայ, որը մի փոքր աւելին է, քան անցած տարի»,-Tert.am-ի հետ զրոյցին ըսած  է ՀՀ ԿԳՆ հանրակրթութեան վարչութեան պետ Նարինէ Յովհաննիսեան:

Յիշեցնենք, որ 2015թ-ին փաստացի դպրոց յաճախող առաջին դասարանցիներու թիւը եղած է 39 հազար 246:

Նարինէ Յովհաննիսեան յստակ թիւ չէ ներկայացուցած, թէ քանի դպրոց այս տարի այդպէս ալ առաջին դասարանցիներ չեն ունենար, սակայն ըսած է , որ կ’ըլլան այդպիսի դպրոցներ:

«Սիւնիքում այս տարի կը լինեն դպրոցներ, որ առաջին դասարանցիներ չեն ունենայ, բայց յստակ թիւ չեմ կարող ասել: Ի հարկէ չեմ կարող ասել, որ միայն Սիւնիքում է, հաշուառումից յետոյ կ’երեւայ»,-ըսած է ան:

Ի դէպ, Նարինէ Յովհաննիսեան նշած է, որ այս տարի պիտի ըլլայ ուսումնական ծրագիրի փոփոխութիւն: Կը նախատեսուի երկրորդ կիսամեակին բեռնաթափել առաջինէն չորրորդ դասարանցիներուն համար ուսումնական ծանրաբեռնուածութիւնը:

ՀՀ ԿԳՆ հանրակրթութեան վարչութեան պետը նաեւ ըսած է , որ դասերը հիմնականին մէջ կ’ըլլան հնգօրեայ: «Շատ քիչ տոկոսով ունենք վեցօրեայ դպրոցներ, բայց հիմնականում հնգօրեայ են»,-ըսած է ան: