Ըստ թուրք պատմաբանին՝ Օսմանեան արխիւի հայկական փաստաթուղթերը վաճառուած են Պուլկարիային

Թուրք պատմաբան Ռաշիտ Կիւնտողտունը յօդուած մը հրապարակած է «Եդիքըթա պատմութեան և մշակոյթի» ամսագրի յունուարի թիւին մէջ: Պատմաբանը կը պնդէ, որ 1931-ին, Օսմանեան արխիւի՝ Հայկական հարցին և Պուլկարիայի պատմութեան վերաբերող փաստաթուղթերը վաճառուած են Պուլկարիային:

Թրքական «Թայմ թուրք» լրատուական կայքը անդրադարձած է յօդուածին, որտեղ գրուած է, որ փաստաթղթերի վաճառքում մեծ դեր է ունեցել Կալաթասարայի շրջանաւարտ Պանչօ Տորէֆը, որ Օսմանեան արխիւներուն մէջ ուսումնասիրութիւններ կարտարած է Պուլկարական պատմութեան և Հայկական հարցին վերաբերեալ: Ըստ յօդուածին՝ Տորէֆը կապի հաստատած է Պուլկարիոյ կառավարութեան հետ և իր գործակիցներուն հետ կազմակերպած է այդ փաստաթուղթերու տեղափոխումը Պուլկարիա։

Նախապէս հրապարակուած էր ֆրանսական « Le Nouvel Observateur» շաբաթաթերի լուրը, ըստ որուն, Վատիկանը հայերու մասին փաստաթուղթերու մեծ մասը Պուլկարիայէն գնած է 1931 թուականին:

«Թուրքիէ Կազէթեսի» թերթի 1995 թուականի յունիսի 23-ի թիւին մէջ հրատարակուած է լրագրող Նեճաթի Օզֆաթուրայի յօդուածը, որուն մէջ կը նշուի, թէ Վատիկանը այդ փաստաթուղթերուն համար վճարած է 40 միլիոն պուլկարական լեւ: