Հայկական Ֆութպոլ. Երեւանի Թիւ 170 Դպրոցը` Տիտղոսակիր
- (0)
Հայաստանի ֆութպոլի ֆետերասիոնին պաշտօնական կայքը կը հաղորդէ, որ ֆետերասիոնին կազմակերպած «Քոքա-Քոլա 2015»-ի ֆութպոլի մրցաշարքը աւարտեցաւ Երեւանի թիւ 170 դպրոցին յաղթանակով: Վերջինս աւարտականին փենալթի-ներով` 9-5 արդիւնքով յաղթեց Բիւրեղաւանի դպրոցի խումբին:
Ֆութպոլի այս մրցաշարքը տեղի ունեցաւ Հայաստանի ֆութպոլի ֆետերասիոնին ֆութպոլի ակադեմիային մէջ:
Մասնակցող խումբերուն եւ յաղթականներուն մրցանակները «Քոքա-Քոլա» ընկերութեան հետ միասին յանձնեցին Հայաստանի ֆութպոլի ազգային հաւաքականի ֆութպոլիստներ Հենրիխ Մխիթարեան, Նորայր Ասլանեան, Արթուր Աւագեան եւ Արթուր Թորոսեան:
