Իտալիոյ ֆութպոլի ազգային խումբի կիսապաշտպան Մաթէօ Տարմեան հայ է
215
0
Ֆութպոլի միջազգային ընտանիքը ներկայացնող ՖԻՖԱ կազմակերպութեան կայքէջը կը հաստատէ, որ Մոնտիալի մասնակից Իտալիոյ ազգային խումբի կիսապաշտպան Մաթթէօ Տարմեան հայ է։
24-ամեայ Մաթէոն ծնած է Իտալիոյ Լէկնանօ քաղաքը։ 2000ին մաս կազմած է Ա. Ս. Միլանի երիտասարդական կազմին։ Ապա յաջորդաբար անդամակցած է Փալերմոյի եւ Թորինոյի կազմերուն։ Այս տարուան մարտէն ի վեր մաս կը կազմէ Իտալիոյ ազգային հաւաքականին։
Մոնտիալին մասնակցող միւս հայ ֆութպոլիստն է Իրանի ազգային հաւաքականի անդամ իրանահայ Անդրանիկ Թէյմուրեանը։
Նշենք, որ նախկին Մոնտիալներուն մասնակցած են հետեւեալ հայազգի ֆութպոլիստները.
Անդրանիկ Իսկէնտէրեան, 1978 (Իրան)
Խորէն Յովհաննիսեան, 1982 (Խորհրդային Միութիւն)
Եուրի Ճորքայէֆ եւ Ալան Պօղոսեան, 1998 (Ֆրանսա)