Իր աւարտին հասաւ ՀՅԴ ԳԵՄ-ի Վանաձորի ճամբարը
1410
0
Յուլիս 26-ին, յատուկ հանդիսութեամբ փակումը կատարուեցաւ ՀՅԴ Գանատայի երիտասարդական միութեան (ԳԵՄ) Վանաձորի ճամբարին, որուն երկու շաբաթներու վրայ երկարող ծրագրին հետեւեցան 210 վանաձորցի երեխաներ։
Փակման հանդէսին վանաձորցի երեխաները հանդէս եկան մեներգներով, ասմունքներով, խմբային պարով եւ երգեցին իրենց սորված Պանք Օթոմանի գրաւման նուիրուած երգն ու «Գինի լից»ը։
Հանդիութեան ներկայ էին նաեւ ճամբարայիններու ծնողները։
Հանդէսի աւարտին երեխաները ստտացան ՀՅԴ ԳԵՄ-ի կողմէ պատրաստուած նուէրները, գրենական պիտոյքներով լեցուն դպրոցական պայուսակները։
ՀՅԴ ԳԵՄ-ի պատասխանատուները քննարկեցին նաեւ Վանաձորի մէջ ՀՅԴ պատանեկան միութիւն մը հիմնելու կարելիութիւնները։
