Տօնոյեանն Ու Սինանեանը Քննարկած Են Անվտանգութեան Մարզին Մէջ Հայութեան Ջանքերու Համախմբման Նախագիծեր

June 24, 2019 1696 0

22 յունիսին Հայաստանի Հանրապետութեան պաշտպանութեան նախարար Դաւիթ Տօնոյեան ընդունած է սփիւռքի գործերու ընդհանուր յանձնակատար Զարեհ Սինանեանը, կը տեղեկացնէ պաշտպանութեան նախարարութեան մամլոյ ծառայութիւնը:

Հանդիպումի ընթացքին քննարկուած են պաշտպանութեան եւ անվտանգութեան մարզերուն մէջ համայն հայութեան ջանքերու  համախմբման ուղղուած շարք մը ծրագրային նախագիծեր:

Կարեւոր նկատուած է գիտութեան եւ կրթութեան, նորագոյն արհեստագիտութիւններու ներդրման, ռազմական բժշկութեան, ընկերային ապահովութեան եւ այլ մարզերու մէջ Հայաստանի եւ սփիւռքի տարբեր կառոյցներուն միջեւ համագործակցութեան զարգացումը:

Շնորհաւորելով պատասխանատու պաշտօնին նշանակուիլը, պաշտպանութեան նախարարը յաջողութիւն մաղթած է Զարեհ Սինանեանին համահայկական գաղափարներու կեանքի կոչման եւ  Հայաստան-սփիւռք կապերու ամրապնդման գործին մէջ:

Leave a Comment

You must be logged in to post a comment.