Յիշատակի Երթ` Եռաբլուր Պանթէոնին Մէջ

18 դեկտեմբերին կազմակերպութեամբ Հայրենիքի փրկութեան շարժումին Երեւանի Գարեգին Նժդեհի հրապարակէն սկսաւ ջահերով երթ դէպի Եռաբլուր պանթէոն` ոգեկոչելու արցախեան պատերազմի հերոսներուն յիշատակը:

Բազմահազար մասնակիցները առաջնորդուեցան հոգեւորականներուն կողմէ: Երթի ամբողջ ընթացքին բարձրախօսներէն յայտարարուեցան վերջին պատերազմին նահատակուած հայորդիներուն անունները:

Եռաբլուրի մէջ, նախքան հոգեհանգիստի արարողութիւնը, երթի մասնակիցները մէկ վայրկեան լռութեամբ յարգեցին նահատակներուն յիշատակը: Արարողութեան աւարտին քաղաքացիները իրենց բերած մոմերը տեղադրեցին զոհուած զինուորներուն, կամաւորներուն եւ ազատամարտիկներուն շիրիմներուն վրայ:

Leave a Comment

You must be logged in to post a comment.