ՀՅԴ Բիւրոն կոչ է անում «յետ կանգնել վտանգաւոր արկածախնդրութիւնից եւ սկսել խաղաղութեան բանակցութիւններ»


2015թ. Օգոստոսի 10-ին, Երեւանում գումարուած իր արտահերթ լիագումար նիստում, ՀՅԴ Բիւրոն որոշեց հրատարակել հետեւեալ յայտարարութիւնը.

 ՅԱՅՏԱՐԱՐՈՒԹԻՒՆ

 Հայ Յեղափոխական Դաշնակցութիւնը խոր մտահոգութիւն է յայտնում Թուրքիայի կառավարութեան կողմից քիւրտ ժողովրդի նկատմամբ վերջերս վերսկսուած ռազմատենչ քաղաքականութեան վերաբերեալ:

 Քիւրտ ղեկավարութեան կողմից առաջադրուած խաղաղութեան բանակցութիւնները շարունակելու փոխարէն, թրքական իշխանութիւնները, խորհրդարանական վերջին ընտրութիւնների արդիւնքներից դժգոհ՝ «Իսլամական պետութիւն» խմբակցութեան դէմ ռազմական գործողութիւններ կատարելու պատրուակով իսկական պատերազմ են սանձազերծել քիւրտ ժողովրդի դէմ: Մի քայլ, որը անխուսափելիօրէն յանգելու է Թուրքիայի բոլոր ժողովրդների նկատմամբ հալածանքների, ընդհանրապէս մարդու իրաւունքների զանգուածային ոտնահարման եւ Թուրքիայի հասարակութեան ժողովրդավարացման գործընթացի խափանման։

 Նկատի ունենալով տարածաշրջանի բոլոր ազգութիւնների եւ երկրների խաղաղ գոյակցութեան կարեւորագոյն հարցը, տարածաշրջանը զերծ պահելու համար տագնապներից եւ անկանխատեսելի մարդկային կորուստներից՝ մենք կոչ ենք ուղղում յետ կանգնել վտանգաւոր արկածախնդրութիւնից եւ սկսել խաղաղութեան բանակցութիւններ։

Հ.Յ.Դ. ԲԻՒՐՕ

12 Օգոստոսի 2015թ.


Leave a Comment

You must be logged in to post a comment.