Ճատրակ. Էլինա Դանիէլեան` Ստեփանակերտի Միջազգային Մրցաշարքի Յաղթող

Հայաստանի ճատրակի ֆետերասիոնին պաշտօնական կայքը` Armchess.am, իր հրապարակած մէկ լուրին մէջ նշեց, որ մայիսեան տօներուն նուիրուած արագ ճատրակի աղջկանց միջազգային մրցաշարքը, որ տեղի ունեցաւ Ստեփանակերտի մէջ, աւարտեցաւ կրանտմասթըր Էլինա Դանիէլեանի յաղթանակով, որ ապահովեց 6,5 կէտ:

2-րդ դիրքը գրաւեց Լիլիթ Մկրտչեան (6 կէտ), իսկ 3-րդ դիրքը` Լիլիթ Կալոյեան (5,5 կէտ):

Նշենք, որ Հայաստանէն բացի իրենց մասնակցութիւնը բերին նաեւ Միացեալ Նահանգներէն, Աւստրալիայէն, Ուքրանիայէն եւ Ռուսիայէն եկած ճատրակ խաղացողներ: