Դաւիթ Արշակեան Իր Առաջին Կոլը Նշանակեց Լիթուանիոյ Ֆութպոլի Ախոյեանութեան
- (0)
TotalFootball.am հայկական լրատուական կայքը կը հաղորդէ, որ հայ ֆութպոլիստ Դաւիթ Արշակեան, որ մաս կը կազմէ Թրաքայ խումբին (Լիթուանիա), իր առաջին կոլը նշանակեց այդ երկրի ֆութպոլի ախոյեանութեան մրցումներուն:
20 տարեկան ֆութպոլիստը Սթումպրասի դէմ արձանագրուած յաղթանակին (3-1) բացաւ մրցումին հաշիւը` 34-րդ վայրկեանին:
Իր կատարած 4-րդ հանգրուանի մրցումներէն ետք Թրաքայ 7 կէտ ապահովելով կը գտնուի 3-րդ դիրքին վրայ:
