Ըմբշամարտ. Միհրան Յարութիւնեան Առաջին Ոսկի Մետալին Տիրացաւ Հայաստանի Դրօշին Տակ
- (0)
Յունահռոմէական ոճի ըմբշամարտիկ Միհրան Յարութիւնեան Օլիփիայի մէջ տեղի ունեցած միջազգային մրցաշարքին ծիրին մէջ, 66 քկ դասակարգի մրցումներուն դարձաւ ոսկի մետալակիր, կը տեղեկացնէ Յունաստանի ըմբշամարտի ֆետերասիոնին պաշտօնական կայքը:
Կիսաւարտականին հայ ըմբշամարտիկը յաղթեց հարաւային քորէացի Ժան Ժուանին, իսկ աւարտականին առանց դժուարութեան պարտութեան մատնեց մեքսիքացի Օսքար Սալքենթոն:
Նշենք, որ նախապէս Յարութիւնեան կը ներկայացնէր Ռուսիան: Ան առաջին անգամ ըլլալով ոսկի մետալի կը տիրանայ Հայաստանի դրօշին տակ:
