Ըմբշամարտ. Արթուր Ալեքսանեան` Եւրոպայի Ախոյեանութեան Եռակի Ախոյեան

\n

\n

 

\n

ArmSport.am հայկական լրատուական կայքը կը հաղորդէ, որ նախորդ շաբաթավերջին Ֆինլանտայի մէջ սկսած յունահռոմէական ոճի ըմբշամարտի Եւրոպայի ախոյեանութեան 98 քկ դասակարգին մէջ գերազանց ելոյթ ունեցաւ Հայաստանի ներկայացուցիչ Արթուր Ալեքսանեան:

\n

Եւրոպայի գործող ախոյեանը կիսաւարտականին մեծ առաւելութեամբ պարտութեան մատնեց Նորվեկիան ներկայացնող Նիելսընը եւ հասաւ աւարտական:

\n

Աւարտական հանգրուանին ան իրեն մրցակից ունեցաւ Թուրքիոյ ներկայացուցիչ Չենք Իլտեմը:

\n

Առաջին ճակատումին Ալեքսանեան 2 – 0 արդիւնքով յաղթեց, իսկ երկրորդին ան երեք կէտ եւս ապահովելով տարաւ վերջնական յաղթանակը` 5 – 0 արդիւնքով:

\n

Leave a Comment

You must be logged in to post a comment.