Լաւալի Հայ Դատի Յանձնախումբը կը զօրակցի Լաւալի քաղաքապետարանի ընտրութիւններու թեկնածու՝ Սեդա Թոփուզեանին եւ Ստեփան Պոյէին

Սիրելի Լաւալաբնակ հայրենակիցներ,

Լաւալի քաղաքապետարանի ընտրութիւնները (élection municipale) տեղի պիտի ունենան Կիրակի, 7 Նոյեմբեր 2021-ին:

Ուրախ ենք յայտնելու, թէ այս ընտրութիւններուն Renaud ընտրաշրջանէն թեկնածու ունինք տիկին Սեդա Թոփուզեանը, որ մաս կը կազմէ Mouvement Lavallois-Équipe Stephan Boyer-ի խումբին:

Սեդա Թոփուզեան երկար տարիներ ծառայած է ՀՕՄ-ի Լաւալի «Շուշի» մասնաճիւղէն ներս, ըլլալով անոր անխոնջ նուիրեալը: Ան նաեւ իր բեղուն մասնակցութիւնը բերած է Հայ Դատի այլազան աշխատանքներուն:

Յոյսով ենք, որ ընթացք կու տաք մեր կոչին եւ միասնաբար կը յաջողինք սատար հանդիսանալու Սեդա Թոփուզեանին:

 

Կանխայայտ շնորհալութեամբ՝

Լաւալի Հայ Դատի Յանձնախումբ

Leave a Comment

You must be logged in to post a comment.