ՀՕՄ-ը Սուրիահայութեան Օժանդակելու Կոչ Կ’ընէ
Հայ Օգնութեան Միութիւնը կոչ կ’ընէ միանալու Սուրիահայութեան օժանդակութեան ընդհանուր ծրագիրին` հասնելու համար այս օրերուն Հալէպի մէջ զոհուածներու հարազատներուն ու վիրաւորներուն անմիջական կարիքներուն:
ՀՕՄ-ի կեդրոնական վարչութեան կոչին մէջ նշուած է. «Ի տես Հալէպի հայաբնակ շրջաններուն վրայ ներկայիս սաստկացող յարձակումներուն, որոնց հետեւանքով Սեպտեմբեր 30, 2016-ին զոհ գացին հինգ հայորդիներ, Հայ Օգնութեան Միութիւնը իր խորին ցաւակցութիւնները կը յայտնէ արդէն իսկ վիրաւոր գաղութին, որուն փրկութիւնը անհրաժեշտ է հայութեան համար: Այս ուղղութեամբ, կոչ կ’ուղղենք մեր բոլոր հայրենակիցներուն` մասնակցելու ՀՕՄ-ի` Սուրիահայութեան օժանդակութեան ընդհանուր ծրագիրին` հասնելու համար նորանոր զոհերու եւ անոնց հարազատներու անմիջական կարիքներուն:
Օժանդակութեան համար այցելել` https://www.classy.org/campaign/ars-syrian-armenian-relief-fund/c97739»: