Վիգէն Սարգսեան` ՀՀ Պաշտպանութեան Նոր Նախարար

Հոկտեմբեր 3-ին ՀՀ նախագահ Սերժ Սարգսեան շարք մը հրամանագիրներ  ստորագրած է` վերջնականապէս ձեւաւորելով ՀՀ նոր կառավարութիւնը:

ՀՀ պաշտպանութեան նոր նախարար  նշանակուած է Վիգէն Սարգսեան` Սէյրան Օհանեանի փոխարէն:

Վիգէն Սարգսեան Հայաստանի Հանրապետութեան նախագահի աշխատակազմի ղեկավարի պաշտօնը կը զբաղեցնէր 2011-էն: 1995 -1998 եղած է ՀՀ Ազգային ժողովի նախագահի օգնական, ապա խորհրդական: 2000- 2003 ծառայած է ՀՀ զինուած ուժերուն մէջ, ՀՀ պաշտպանութեան նախարարի օգնական: 2003-2009 ՀՀ նախագահի օգնական: 2009-2011 եղած է ՀՀ նախագահի աշխատակազմի ղեկավարի տեղակալ:

Ազգային անվտանգութեան խորհուրդի քարտուղար  նշանակուած է Եուրի Խաչատուրով` ազատուելով Հայաստանի Հանրապետութեան զինուած ուժերու գլխաւոր շտապի պետի պաշտօնէն:

ՀՀ զինուած ուժերու գլխաւոր շտապի պետ նշանակուած է Մովսէս Յակոբեան:

ՀՀ նախագահի աշխատակազմի ղեկավար նշանակուած է Արմէն Գէորգեան: