Ատրպէյճանական հրասայլերու որսորդը՝ 19-ամեայ Մարատ Պետրոսեան – Video


«Երբ առաջին անգամ յարձակուեցին՝ սաղ հրասայլեր էին, մօտ 10 հատ, աւելի շատ էլ ետեւը կային, առաջինը վրիպեցի, մի երկու րոպէ անց երկրորդը խփեցինք»:

Սա միայն առաջին օրը, Ստեփանակերտի զինկոմիսարիատից մէկ տարի առաջ զինակոչուած Մարատ Պետրոսեանը պատմում է իր կողմից խոցուած հինգ հրասայլերի մասին մանրամասները:

«Երկրորդ օրը էլի՛ երեք հատ, իսկ վերջի օրը մի հատ էլ կրակեցի, յետոյ այլեւս հրասայլեր չկային, առաւօտը փախնում էին, իրիկունը գալիս»:

Քաջ ու դիպուկ էս հայորդուն նրա զինակիցներն արդէն «ուսթա» կամ «վարպետ» են կոչում, ինքն ամենեւին դէմ չէ այդ կոչմանը: Վարպետ դառնալու գաղտնիքն իր կարծիքով ոգու եւ արագաշարժ գտնուելուն մէջն է, պէտք է ընկերանալ նաեւ զէնքի հետ:

Սակայն միայն Մարատը չէ որ կարողացել է այս դիրքից թշնամու հրասայլ շարքից հանել, նրա զինակից Հայկ Մելքումեանը շարունակեց վարպետի անաւարտ մնացած գործն այն ժամանակ, երբ Մարատը բացակայում էր մարտադաշտից:

«Ցուրտ էր, անձրեւ էր, դիպուկահարները խփում էին, չէի թողել, որ Հայկը գնայ, ես գնացի, որ մուշտակ բերեմ հագնի, մի ժամից եկայ, լսում եմ, որ մի հրասայլ է խփել», ասում է Մարատ Պետրոսեանը:

«Մարատը բացակայում էր, մի հրասայլ դուրս էր եկել, խփեցի», իր կարգին պատմում է Հայկը:

«Հայկն ու իր միւս ընկեր Արամեանը եկել էին մեզ զինամթերք բերելու, եկան ու մնացին, ետ չգնացին, էդպէս էլ միասին շարունակում ենք, խփում ենք», պատմում է Մարատը:

Մեր տղաները հաւատում էին իրենց ուժերին, Մարատի խօսքով առանց դրա հնարաւոր չէր լինի խոցել թէկուզ եւ մէկ մարտական մեքենայ, վստահեցնում է, արցախցին կարող է հանգիստ լինել, ամէն ինչ վերահսկողութեան տակ է:

«Հանգիստ մնացէք, սաղ լաւ է լինելու, հրասայլ չի հասնելու էստեղ», հաստատում է 19-ամեայ Մարատը:

Video

https://www.youtube.com/watch?v=oassqBal7dY

 Սերժօ Արշակեան

Հայկ Պապայեան

Artsakh TV


Leave a Comment

You must be logged in to post a comment.