Եուրօ-2016. Հայաստան Պարտութեամբ Սկսաւ Զտումի Մրցաշարքը
1418
0
Եուրօ-2016-ի ֆութպոլի ախոյեանութեան զտումի մրցաշարքի ծիրին մէջ, երէկ` կիրակի, 7 սեպտեմբերին` Հայաստանի ֆութպոլի ազգային հաւաքականը կատարեց իր առաջին մրցումը` Քոփենհակընի մէջ հիւրը ըլլալով Դանիոյ:
Մրցումին արդիւնքը եղաւ ի նպաստ Դանիոյ, որ յաղթեց 2-1 արդիւնքով:
Մրցումին հաշիւը բացաւ Հենրիխ Մխիթարեան, երբ երկրորդ կիսախաղին` 49-րդ վայրկեանին նշանակեց Հայաստանի միակ կոլը, սակայն 65-րդ եւ 80-րդ վայրկեաններուն յաջորդաբար Փիեռ-Էմիլ Հոժպժըրկ եւ Թոմաս Քահլընպըրկ նշանակեցին Դանիոյ երկու կոլերը:
Այսպիսով, Հայաստան պարտութեամբ սկսաւ Եուրօ 2016-ի զտումի խաղերը, սակայն ան տակաւին շատ խաղեր ունի իր առջեւ, եւ յոյսով ենք, որ այս անգամ մեր հաւաքականը կը տեսնենք եւրոպայի ախոյեանութեան մրցումներուն: