Հայաստանի Մէջ Քեսապահայ 30-40 Ընտանիք Մնացած Է

\n \n

ԵՐԵՒԱՆ, «Նիուզ».– «Բոլոր քեսաբահայերն առանց բացառութեան ցանկանում են Սիրիայի իրենց տները վերադառնալ», յայտարարած է Հայաստանի հանրային պալատի անդամ, Քեսապի հարցերով Յունիսին ստեղծուած աշխատանքային խումբի անդամ Գագիկ Մինասեանը՝ 2 Յուլիսին լրագրողներուն հետ ունեցած հանդիպումին ընթացքին։
\n Ըստ անոր՝ Հայաստանի մէջ քեսապահայ 30–40 ընտանիք մնացած է: «Ես վստահ եմ, որ քեսաբահայերի մեծամասնութիւնը կը վերադառնայ Սիրիա: Այն մեր ամենակայացած համայնքն է եւ հարկաւոր է պահպանել», յայտնած է Գագիկ Մինասեանը:
\n Մամլոյ ասուլիսի մէկ այլ մասնակից՝ Մարկոս եպս. Յովհաննիսեան նշած է, որ Քեսապի բոլոր եկեղեցիները հրկիզուած են, սակայն ներկայիս վերանորոգման աշխատանքներ կը կատարուին։

\n \n