«We Are Happy From Karabakh» Տեսահոլովակը Մեծ Արձագանգ Գտած Է
Ֆարըլ Ուիլիըմզի նշանաւոր՝ «Happy» երգի հիման վրայ նկարահանուած «Մենք երջանիկ ենք Ղարաբաղից» (We are happy from Karabakh) տեսահոլովակը, որ 29 Յունիսին տեղադրուած է «եու. թիուպ»ի վրայ, տեղադրումէն 18 ժամ ետք ունեցած է աւելի քան 35 հազար դիտող: Տեսահոլովակը պատրաստած են Արեգ Բալայեանը եւ Արսէն Բեգլարեանը՝ Հայաստան համահայկական հիմնադրամի աջակցութեամբ: Տեսահոլովակը կը պարունակէ 70 դրուագ՝ շուրջ 120 մարդու մասնակցութեամբ: Իր մասնակցութիւնը բերած է նաեւ Արցախի բարեկամ, Բրիտանիոյ լորտերու պալատի պարոնուհի Քերոլայն Քոքսը՝ պարելով Ստեփանակերտի վերականգնողական կեդրոնի հաշմանդամներուն եւ աշխատակիցներուն:
Տեսահոլովակի հեղինակները նպատակ ունին ցոյց տալու, որ Արցախը ոչ թէ հակամարտութեան երկիր է, այլ զարգացող պետութիւն՝ իր առօրեայ կեանքը վայելող երջանիկ բնակչութեամբ: «Իրօք անհրաժե՞շտ է ապրել ճանաչուած երկրում երջանիկ զգալու համար. բացարձակօրէն ո՛չ: Ամենակարեւորն այն է, որ Արցախի (Լեռնային Ղարաբաղ) չճանաչուած պետութեան բնակիչները զարգանում, արարում եւ… երջանիկ են այնտեղ», գրուած է հոլովակի նկարագրութեան մէջ:
Տեսահոլովակը կարելի է դիտել այցելելով՝