«Սանասարեան» վարժարանի շէնքը պիտի վերածուի Աթաթուրքի թանգարանի

Թուրքիոյ իշխանութուններու ֆինանսաւորմամբ վերակառուցուող Էրզրումի (Կարին) հայկական դպրոցի պատմական շէնքը, Յուլիս 23-ին յանձնուած է շահագործման: Հայկական նախկին դպրոցը Թուրքիոյ մէջ պիտի օգտագործուի որպէս Քեմալ Աթաթուրքի ղեկավարած շարժման և  Էրզրումի Գոնկրէսի թանգարան:

1881-ին կառուցուած «Սանասարեան» վարժարանին մէջ 1919-Յունիս-Օգոստոս ամիսներուն տեղի ունեցած է Էրզրումի Գոնկրէսը, որու ընթացքին հիմը դրուած է Թուրքիոյ ապագայ հանրապետութեան ստեղծման (1923): Հանրապետության հռչակումէն ետք, հայկական կրթօճախի այդ շէնքը տարբեր նպատակներու ծառայած է. 1920-1921 եղած է արուեստի դպրոց, 1922-1923 գործած է որպէս լսարան, 1924-ին` որպէս նախակրթարան, 1940-ին Աթաթուրքի անուան արուեստի դպրոց: 1960 թուականէն ի վեր իր դռները բացած է որպէս Աթաթուրքի և Էրզրումի Գոնկրէսի թանգարան, այնուհետև վերածուած է ազգային պալատներու վարչութեան կեդրոնի:

Այժմ, վերանորոգումէն ետք վերստին պիտի օգտագործուի որպէս թանգարան: Էրզրումի փոխնահանգապետ Օմեր Հիլմի Եալմըն տեղեկացուցած է, որ շէնքի վերականգնման համար ծախուած է արդէն 5 միլիոն թրքական լիրա (աւելի քան 2.5 միլիոն տոլար):

Նշենք, որ 1881-1915 ժամանակահատուածին, «Սանասարեան» վարժարանէն խրջանաւարտ եղած են բազմաթիւ հայ մտաւորականներ եւ հասարակական գործիչներ։