Վարուժան Յակոբեան Առաջին Տեղը Կը Գրաւէ ԱՄՆի Ճատրակի Մրցաշարքին

\n

\n

ԵՐԵՒԱՆ, «Արմէնփրէս».- Ճատրակի գերվարպետ Վարուժան Յակոբեան Սէյնթ Լուիսի մէջ կայացող Միացեալ Նահանգներու ճատրակի ախոյեանութեան վեցերորդ հանգրուանին արձանագրած է յաջորդական երկրորդ յաղթանակը, այս անգամ՝ գերվարպետ Ալեհանտրօ Ռամիրեզի դէմ, ու ներկայիս 4 կէտով կը գրաւէ աղիւսակի առաջատարի դիրքը:
\n Նոյնքան կէտ ապահոված է գերվարպետ Ալեքսանտր Լենտերմանը, բայց ան ետ կը մնայ այլ ցուցանիշներու պատճառով:
\n Կանանց մրցաշարքին՝ հինգ հանգրուանէ ետք գերվարպետ Տաթեւ Աբրահամեանը 3 կէտով կը գրաւէ երրորդ դիրքը:
\n Նշենք, որ տղամարդկանց ախոյեանութեան կը մասնակցին 12 վարպետներ, իսկ կանանց՝ 10:
\n Մրցաշարքը պիտի աւարտի Մայիս 20ին:

\n